SALAM KAFKASDAN

 Salam kafgasdan bagali ahluma 
 Ata curtundan uzakda turganga 
 Kobanni Balham suvundan, tansiklab,
 Urtlam eterge taralib turganga!

 Salam cüregi MINGI TAVLUGA
 Kobanni ciri kaninda çaphanga, 
 Terek tamirin kurutup koymayin,
 Öge cerlede kuvvatli çakkanga!

 Salam ol kralga kaçinçi ahluma
 Tilin, dinin da siyirmay barganga,
 Zaravatlikni azabli kününde
 Tabalab koymay, bolganga bagana!!

 
 ANANI ALGISI


 Tavlaga tayanib, tav elim cuklaydi,
 Kalkiydila keçe kündüzgü tavusla,
 Cukuga boy bermey, balasini saklaydi
 Tingisiz tisiruv, bilgeni - algisla!


 Ana cüregi culduzça canadi,
 Süymeklik carigi colovçuga bilek,
 Ana tört dünyaga sagisini cayadi,
 "Casavga - rahatlik!" deb uradi cürek.


 Tüslege bölenib, camagat cuklaydi,
 Üsünde cuvurgan - culduzla sirilgan,
 Ana va cuklamay, algisla katlaydi,
 Tav elin, tav cerin palahdan saklagan ! 



 CURTUMA


 Süyseng - tüy meni,süyseng - süy,
 Erkinse, CURTUM, nege da,
 Haman da sinab,sinab,dil meni,
 Kiyin islege cege da.

 Süyseng - süy meni,süyseng - tüy,
 Bek erke ösgen kizingma,
 Bir kün abinib, açi cilasam,
 ANA CILIVNU kizganma.

 Süyseng - tüy meni, süyseng - süy,
 Tersligimi va költürme,
 Ne bek tebseng da, bagali CURTUM,
 Ögelik etib, öltürme.
 

 KEÇERUKLANI BAYDIMAT 


 SEN IYLIKMA

 Ol ak kökden kölek tigib kiysengda
 Culduzladan tüyme etib tiksengda
 Sen iylikma atang kiygen kiyimge
 Ard-allinda andan kalir tüymege

 Sen iylikma toprak basli üylege
 Sen iylikma atang ösgen tiyrege
 Seni siying namusung da alada
 Casirsangda nakur kalmaz havada.

 Çiy altindan çuruklani kiysengda
 Canig savdan meskertmegi körsengda
 Sen iylikma atang kiygen çabirga
 Ak kullaring sanga kazar kabirga

 Baska halkni töben etib küresseng
 Tukum saylab halkni eki ülesseng
 Ana tilni uçut etib sölesseng
 Adamliging cokdu anga iylik sen 

 Bir ongsuznu ayak tübde tebletseng
 Siysiz isni etgellege siy berseng
 Colovçuga satib berseng ayranni
 Tavlu tülse kimeseng da bil ani

 Sagir içib tavluma deb kiçirsang
 Cutlugunbila dünya malga satilsang
 Namus adet kete barir senden keng
 Sagis etda bu zatlaga iylik sen!
 
 

 

 SOLDAT ANA 

 Kün sayin beri - karnas kabirga
 Col salib keled kartaygan ANA,
 Cüregin cira avur sagisla
 Cilamuklari agad sin tasga
 
 Açi vurusnu ol cut örteni
 Bugün da canad midah közlede
 Kablanib tasga, suvuk sin tasga
 Duniyaga tinçlik tileydi ANA.

 Casav kün künden kuvançha atlay
 Baralla ozub aylabila cilla
 Soldat ANA va turad midahlay
 Urus çuklatgan casin tansiklay.

 ANA CÜREKNI kanatin kesgen
 Ömürde ongmaz, ongmaz colunda
 Rahat casavga bolayik dagan
 Açi cilamuk tökmezça bir can!!

 MEN....

 Men curtumu
 Konakni süygen kizima,
 Tukumumu
 Konakda tuvgan kizima!

 Men balama -
 Anami kolun caritgan
 Men anama - 
 Sabiy cürekni cirlatgan!

 Men hanscikma -
 Cangurga, künge bas urgan,
 Men suvçukma -
 Tengizge ençi kosulgan!
 
 ATA CURTUMA

 Cetismeydi söz bayligim avzumda,
 Kölümdegin tizginlege salirga,
 Süye edim, ATA CURTUM, men sanga
 Aytilmagan aruv sözle aytirga.

 Tang kurum bla gugurukla kiçira,
 Ertden çigib calan ayak cürüsem,
 Tabmazmami altin sözle düniyada,
 Tok kilçikli budaylada izlesem?

 Ak kayinla aytmazlami sibirdab,
 Kirib, sindik çegetinde solusam?
 Estmezlemi tang bülbülnü cirinda,
 Çegetde men tanga deri saklasam?

 Arsar bolmay atlanayim columa,
 Tengizleni cirib, süzüb barayim,
 Cilyiravuk suv küzgüsü, aytsanga
 Nakut-nalmaz sözle kaydan tabayim?

 Men örledim tavla basi miyikge
 Kök sorkhadan nazmu tizgin alirga,
 Ol a ketdi, ketdi sarkib özennge,
 Zaman tabmay usak ete tururga.

 Köz iynak bla karamigi iynaklay,
 Kusla uçgan miyikleden karayma,
 Seyir CURTUM haman seni tansiklay,
 Tavusulmaz küçünge bas vurama.

 Tüm-dunyani savlay avlab çiksam da,
 Ol sözleni netib, izleb, tabmadim.
 TUVGAN CURTUM subay sözsüz aytayim:
 Cüregimde süymekligim - ALTINDI! 


 NEKSE MIDAH

 Nekse midah, nekse sos,
 Kaydadi esing, kayda?
 Uzakmidi sürüv kos?
 Andan manga ne payda?

 Nekse midah, nekse sos,
 Kaydadi esing kayda?
 Kiynama da bir söz kos,
 Tingilavdan ne payda?

 Nekse midah, nekse sos,
 Kaydadi esing Kayda?
 Zaman ketib barad bos,
 Andan bizge ne payda?

 KEÇERUKLANI BAYDIMAT